Dapa inga dulu

Achi Breyvi

Dapa inga dulu

Waktu qta masih kacili
Mama ja suru tidor siang
Qta balompa dari jendela
Cuma gara - gara dorang so tunggu mo bermain "talion"..

Dapa inga skali
Mama da bilang pa qta
Jangan bapontar, apalagi pi mandi kuala, jangan guih month bawa
Mar qta kabal, nyanda jo anyor mar tacucu pica botol..

Dapa inga dulu
Mama da bataria akang
Gara - gara qta so tengah malam blum pulang mandi deng makang
Gara-gara da bermain "Tar-tar deng Bak-bak sambunyi..

Dapa inga skali
Dulu ja dapa feto
Gara-gara so bobou matahari
ªϑª bermain "dampo, kanikir, gebok,kum-kum deng benteng-benteng­"
Dapa inga skali pa mama
Abis bafeto, mar dia se makang kong kase doi

Dapa inga dulu
Main sperak deng api naga
Pulang rumah rambu so bobou angus
Dapa inga ja bakalae
Cuma gara-gara kala main gambaran deng ceme bandar

Mar skarang
Mo suka bermain laeng so lupa
Tamang - tamang so gengsi
Kong mama leh so nyanda ªϑª
Langsung dapa rasa skali
Kalo qta so basar

So nimbole bakalae jang maso penjara
So nimbole bobou matahari jang tamang-tamang mo hujat
Deng so nimbole ba klak pa orang tua

Ìñì malam
Kalu
mo inga - inga
Qta mo berdoa supaya tabale ulang
Waktu qta masih kacili
Nda talalu pusing deng ìñì hidop